Жұмсақтүк

Жұмсақтүк (Malachіum) – қалампыр тұқымдасына жататын көп жылдық шөптесін өсімдік. Қазақстанның барлық су қоймаларында, сортаңды жерлер мен бау-бақшаларда, кейде шалғындар мен орман алқаптарында су Жұмсақтүгі (M. aquatіcum) өседі. Биіктігі 10 – 15 см. Сабағы жерге төселіп өседі. Жұмыртқа тәрізді, жіңішке жапырақтары бар. Тостағанша, күлте жапырақшалары – бес-бестен болады. Ақ гүлдері шатырша гүлшоғырына топталған. Маусымнан қыркүйекке дейін гүлдейді. Жемісі – қауашақ. Жұмсақтүкті ұсақ мал жақсы жейді.