Жәмилә Алмасқызы Стеһликова

Жәмилә Алмасқызы Стеһликова (чех. Džamila Stehlíková, 6 ақпан, 1962, Алматы) — Чехия Республикасы Адам құқықтары және шағын ұлттар мәселесi жөнiндегi министрі. Чехия Жасылшыл партиясының белсенді қайраткері. Медицина ғылымдарының докторы.

Жәмилә Алмасқызы Стеһликова Жасылшылдар партиясының өлкелік маслихатында, 2007 жыл

Жәмилә Стеһликова

Өмірбаяны

• 1962 ж. ақпанның 6 Алматыда дүниеге келген. Әкесі Алмас Ордабаев сәулетші, мәдениеттанушы, этнограф. «Қазақтың ою-өрнектері» атты кітап авторларының бірі. Алматыда тұрады. Ол жөнінде «Страна и Мир» апталығында мақала жарияланған. Ал анасы Рауза Хамитқызы Сембаева химия саласының ғалымы. Мәскеуде тұрады. Нағашы атасы Әбдіхамит Сембаев кезінде Қазақстанда Білім министрі болған адам.
• «Дала мен Қала» деген ұлттық апталығына берген сұхбатында Жәмилә Алмасқызы ханым Қазақстан мен Қырғызстанның шекарасында орналасқан Қарақұрым ауылындағы (Жамбыл облысы) атамекені туралы былай деп аңсаған:

…Мен үшiн Қазақстандағы Қарақұрым деген шағын ауылдың маңызы өте ерекше. Қарақұрымда менiң атам, яғни әкемнiң әкесi тұрған. Сондықтан, алдымен, атамекен дегенде менiң есiме әрқашан жиi түсетiн жер өзiм туып-өскен әсем де сүйiктi қала Алматы емес, алдымен, Қарақұрым ауылы көз алдыма елестейдi. Мiне, сол ауылда өз құрбы-достарыммен қырларға шығып, өзенге шомылып, атқа мiнiп сайрандап жүрген кездерiмдi аңсаймын. Менiң қазiргi тiршiлiк-өмiрлiк жолым мiне, сол Қарақұрымнан бастау алады.

— «Дала мен Қала»: Қазақ қызы Жәмилә — Чехия министрi, 2007 ж. қаңтардың 26.

• 1986 жылы Мәскеудегі Бірінші медициналық инстититутының 1-ші емдеу факультетінде білім алып бітірді.
• 1985—87 жж. сол институттың психиатрия кафедрасында ғылыми қызметкері және сабақ беруші міндеттерін атқарды.
• 1987 ж. Прага қаласында аспирантурада.

• 1989 ж. ақпан — 1992 тамыз Хомутов қаласында белді дәрігер-психиатр болып істеді.

• 1992—97 жж. Прага халық денсаулық сақтандыру орталдығында және Мемлекеттік денсаулық институтында ғылыми қызметкері болып жұмыс істеді.
• 1998—2006 жж. Хомутов қаласында психиатрия саласында жекеше дәргерлік әрекетпен айналысуда. Университетте сабақ беру, ғылыми жұмыс.

Саяси қарекеті

• Саяси мансабын доктор Стеһликова 1998 жылы Хомутов қаласы Уәкілдігінің (маслихат) мүшесі болып бастады.

• Соңғы екі сайлауда Хомутов қалалық ратушасының (әкімдік) мүшесі болды

• 2006 жылғы жергілікті уәкілдіктер сайлаудан бері Хомутов уәкілдігінің Шағын ұлттар жөніндегі комиссиясын басқарды.
• 2006 жылғы Сенат сайлауындағы 5-ші сайлау аймақта (Хомутов) жеңіліп қалды (7-ші орын, 3,67 % дауыс). * Жасылшылдар партиясының қалалық төрайымы, өлкелік ұйымының төрайымы және партияның бүкілреспубликалық кеңес мүшесі жетелерін атқарды.

• 2001 жылы «Relikty» деген қоғамдық ұйымның құрылтайшысы болып «Paměti Krušnohoří» деген жоба бастады. Бұл Солтүстік-Батыс Чехия өңіріндегі чех пен неміс ұлттары ішіндегі ескі тұрғындарды картада белгіледі.
• 2007 ж. қаңтардың 9 - 2009ж. - Чехия республикасы Үкіметі премьер-министрі Мирек Тополанектің (Mirek Topolánek) 2-ші кабинетінде Адам құқықтары және шағын ұлттар мәселесi жөнiндегi министрі болып тағайындалды.

Отбасы

• 1988 жылғы қаңтарында Милослав Стеһлик (Miloslav Stehlík) деген чех жігітімен үйленіп, сол кездегі Чехословакияда көмір кені бар Хомутов қаласында тұрақты қоныста қалды.

• 1992 ж. ақпанның 17 Чехословакия азаматтығын қабылдады.

• 1997 жылы Стеһликпен ажырасады.
• Екі баласы бар: қызы Камила (1988), ұлы Асан (1994).

Сыртқы сілтемелер

• Жәмилә Стеһликованың ресми веб-торабы
• Егемен Қазақстан: Осындай қыздар да бар шетте жүрген
• Как казашка Джамиля министром в Европе стала Мұрағатталған 21 қыркүйектің 2008 жылы.

Ортаққорда бұған қатысты медиа файлдар бар: Category:Džamila Stehlíková