Иван Андреевич Скляров
Иван Андреевич Скляров(10.9.1920, Павлодар облысы,Ертіс ауданы,Қосағаш ауылы - 1992, Ресей, Краснодар қаласы) — 2-дүниежүзілік соғысқа қатысушы, лейтенант, кейіннен полковник,украин. Соғысқа дейін Чистяково қаласында (қазіргі Донецк облысындағы Торез қаласы) шахтер болған. 1938 жылы Кеңес әскері қатарына шақырылып, 1940 жылы Ворошиловград (қазіргі Луганск) Әскери-авиация училищесін бітірген. 1941 жылдың маусымынан Оңтүстік-Батыс майдан 19-бомбалаушы авиация дивизиясы 33-бомбалаушы авиация полкі құрамында Ұлы Отан соғысына қатысқан. Лейтенант Скляров 1942 жылдың ақпанына қарай 87 әуе соғысына қатысып, жаудың нысандарын жойған. Скляровқа ерлігі үшін КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (27.3.1942). Соғыстан кейін КСРО Әскери-теңіз флоты Әскери-әуе күштері құрамында әскери қызметін жалғастырды. 1965 жылы запасқа шығып, Краснодар қаласында тұрды. Батырдың есімі шахтерлердің «Красная звезда» (Тараз қаласы) орта мектебі және Мурманск облысы (Ресей) Великий кентінің №13 орта мектебіне берілген. Ленин, 2 рет l-дәрежелі Отан соғысы, 3 «Қызыл Жұлдыз» ордендерімен, медальдармен марапатталған.[1]
Дереккөздер өңдеу
- ↑ А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х
Сілтемелер өңдеу
- Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 12 апреля 1942 года // Ведомости Верховного Совета Союза Советских Социалистических Республик : газета. — 1942. — 12 апреля (№ 12 (171)). — С. 1.
Бұл мақаланы Уикипедия сапа талаптарына лайықты болуы үшін уикилендіру қажет. |
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |