Имерина, Имерна – Мадагаскар аралының орталық үстіртінде 14 ғасырдан 19 ғасырдың бас кезіне дейін өмір сүрген мемлекет. Халқының этникалық құрамы – малагасийлердің бір тобы – мерна. Бұл өңірде көне заманнан сатылы егін шаруашылығы қолданылған. Негізгі дақылы – күріш. Қол өнері мен сауда дамыған. Король Андриемасинавалунаның тұсында бір орталыққа бағынған феодалдық мемлекет болды. Ол өлгеннен кейін өзара қырқысқан аласапыран кезең басталып, мемлекет дербес аймақтарға бөлшектеніп кетті. Король Андриенампуинимерин (1787 - 1810) тұсында қайтадан бірікті де, Малагасий корольдығы немесе Мадагаскар корольдығы деген ресми ат алды.[1]

Дереккөздер өңдеу

  1. Қазақ Совет Энциклопедиясы, Алматы 1974