Картоп салынған бүктеме
Картоп салынған бүктеме. Қамыр (құймақ құйғандағыдай) ашытылады, тек өсімдік майы құйылмайды. Содан соң күлшелерге бөлініп, 5~6 минут беті жабылып қойылады да, үн себілген стол үстінде әрқайсысы дөңгелектеніп жазылады. Жазылған әрбір қамырдың үстіне картоп қоспасы салынады да жиектері көмкеріліп, шеттері жабыстырылады. Сөйтіп жарты ай формасына келтіріледі. Қоспа дайындау үшін картоптың қабығы аршылып, пісіріледі. Піскеннен кейін басқа ыдысқа салынып езіледі. Ұсақтап туралған пияз, сары май, тұз салынып, бәрі мұқият араластырылады. Сонымен дайындалған бүктеме бүгілген жағы астына қаратылып, қайнап жатқан майға салынады да, аударыстыра отырып, қызарғанша пісіріледі. Бүктемені өсімдік майына, ол табылмаса — сиыр майына қуырған дұрыс. Піскен бүктеме кепсермен сүзіп алынып, тәрелкеге салынады да дастарқанға әкелінеді. Ол салқын күйінде де дәмді. Қамыр үшін — 4 кеседей үн, 4 ас қасық қант, 2 жұмыртқа, 1 шай қасық түз, 1 ас қасық ашытқы, 1 кесе су немесе сүт, қоспа үшін — 6—10 картоп, 1 пияз, 2 ас қасық сары май, түз татымына қарай.[1]
Тағы қараңыз өңдеу
Дереккөздер өңдеу
- ↑ Қазақ тілі терминдер сөздігі I том
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |