Кеніштің геологиялық қимасы

Кеніштің геологиялық қимасы.Бірнеше стратиграфиялық бағаналар түрінде кескінделетін, нақтылы кен ауқымында әр түрлі масштабта тұрғызылатын түзілімдердің орташа сипатқа келтірілген қимасы. Аталған бағаналар төмендегі деректерді ашып көрсетеді:әр түрлі литологиялық құрамдағы (шартты белгілер түрінде берілген) тау жыныстары қабаттарының бір-бірімен кезектесу реті, олардың өзара шекараларының сипаты және мұнаймен немесе газбен қаныққан аралықтардың өзіндік орны; тау жыныстарының ірі-ірі стратиграфиялық бөлімшелерінен бастап, жекеленген қойнауқатқа дейінгі барша бірліктерінің геологиялық көнелігі; тау жыныстарының орналасу тереңдігі мен қалыңдығы жайлы деректер; каротажға тән қисық сызықтар; тау жыныстары литологиясының, организмдердің қазба қалдықтарының, мұнаймен немесе газбен қанығу сипатының хаттамалары; кейбір өзге де деректер. Синонимі — кеннің геологиялық геофизикалық қимасы.[1]

Дереккөздер өңдеу

  1. Мұнай және газ геологиясы терминдерінің орысша-қазақша түсіндірме сөздігі. Жалпы редакциясын басқарған Казакстанға еңбегі сіңген мұнайшы — геологтар Т.Н. Жұмағалиев, Б.М. Куандықов. — А.: АРНGroup, 2000. — 328 бет.