Киву — Шығыс Африкадағы көл. Руанда және Конго мемлекеттері аумағында, 1460 м биіктіктегі тектоник. қазаншұңқырда орналасқан. Аумағы 2,7 мың км², ұзындығы 100 км-ге жуық, тереңд. 496 м, жағалары тік жарлы келеді, қатты тілімденген. Көлде 150-ден астам арал бар. Көл Вирунга жанартауынан атқылаған лаваның көне өзен жүйесін бекітіп тастауынан пайда болған. Оның солтүстік бөлігінде су асты жанартау атқылауы байқалады. 270 м-ден тереңіректе кәсіптік маңызы бар көмірқышқыл газ және метанның мол қоры шоғырланған. Танганьика көлі не Рузизи өзені ағып шығады. Кеме жүзеді. Ірі порттары мен айлақтары: Букаву және Гома (Конго), Кибуе және Чьянгугу (Руанда). Көл маңы Вирунга ұлттық саябағы аумағына кіреді. Туризм жақсы дамыған. К-ді әлемге ең алғаш неміс саяхатшысы А. фон Гетцен 1894 жылы таныстырған.[1]
