Ким Владимир Егорович

Ким Владимир Егорович (1936 – 10.9.1997, Алматы) – актер, режиссер, Қазақстанның халық артисі (1983; 1976 жылдан Қазақстанның еңбек сіңірген артисі). Ташкент театр-көркемсурет институтын бітірген (1960). 1968 жылдан Алматыдағы Респ. корей музыкалы комедия театрының актері. Ким ойнаған Бен-Хо (Тен Дон Хек, “Моранбон”), Ярцев (М.Шатров, “Революция атымен”), Еспембет, Қобыланды (М.Әуезов, “Еңлік-Кебек”, “Қара қыпшақ Қобыланды”), Қлияс (Ш.Айтматов, “Арманым, Әселім”), т.б. рөлдер оның шығарм. мүмкіндігі жоғары актер екенін көрсетті. 1990 – 96 жылдары осы театрдың көркемдік жетекшісі болды. Режиссер ретінде Ким қойған спектакльдер – “37-нші транзит” (В.Тен), “Алмаз тауларының сегіз періштесі” (Тхай Дян Чун) зор табыспен өтті. “Құрмет белгісі” орденімен марапатталған.[1]

Дереккөздер өңдеу

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8