Колесов Федор Иванович
Колесов Федор Иванович (20.5.1891, Орал, - 29.7.1940,Мәскеу) - Кеңес мемлекет және партия қайраткері. Түркістанда Кеңес өкіметін орнату жолында күрес ұйымдастырушыларының бірі. 1917 жылдан Компартия мүшесі. 1911 жылдан Орынбор темір жолында жұмыс істеді, темір жолшылардың тораптық кәсіподақ комитетінің председателі болды. 1917 жылы қыркүйекте большевиктерден Ташкент Кеңесі аткомының мүшелігіне сайланды, жұмысшылардың жаппай ереуілін ұйымдастырушылардың бірі. Кеңестердің бүкіл ресейлік 2 - съезінің делегаты, БОАК мүшесі 1917 жылы қарашада Түркістан Кеңестерінің 3 өлкелік съезінде Түркістан халкомсовының председателі болып сайланды. РК (б) П Түркістан өлкелік комитетеінің мүшесі. РК (б) П 8 - съезінің делегаты. 1918 - 20 жылы Қызыл Армияның саяси комиссары ретінде Азамат соғысына белсене қатысты. 1923 - 28 жылдары Қиыр Шығыс Халық шаруашылық Жоғарғы Кеңесінің председателі, Қиыр Шығыс ревкомының, Гомель губерниясының атком мүшесі. 1929 - 33 жылы Мәскеу архитектура институтында және Архитектура академиясының аспирантурасында оқыды. 1933 - 36 жылдары Моссовет жоспарлау бөлімінде және Мәскеудің Пролетар ауданың архитекторы болып істеді. 1936 жылы пенсияға шықты.
Қолданылған әдебиет
өңдеу- Қазақ Совет Энциклопедиясы, Алматы 1974 жыл,5 том, бас редакторы М.Қ. Қаратаев, 495 бет