Кюн Людмила Петровна

Кюн Людмила Петровна - орыс совет актрисасы. ҚазССР - інің еңбек сіңірген халық артисті. 1932 жылы Петрозаводск орыс драма театры жанындағы студияны бітірді. Сахналық қызметі де сол жылдан басталды. 1937 жылдан өмірінің соңына дейін Орыс драма театрының құрамында ойнап, сан алуан сахналық бейнелерді жасады. Ойнаған негізгі рольдері қатарында Верочка, Мег, Сахно, Авдотья, Смеральдина, Марсела, Денизи, Турбазаның қожасы, Элинор, Живко Попович, Ануш т. б. бар. Қазақ драматургиясы бойынша қойылған спектакльдерге де қатысып, Ділдә рөлін нанымды бейнеледі. Ол ойнаған әрбәр сахналық кейіпкерінің әлеуметтік-тұрмыстық бояуының қанық болуына ден қойды; сахналық өнерімен Орыс драма театрының өсіп өркендеу жолына мол үлес қосты. "Құрмет Белгісі" орденімен және медальдармен марапатталған.

Дереккөздер

↑ .Қазақ ССР 4 томдық қысқаша энциклопедия./Бас редактор Р.Н. Нұрғалиев;Алматы; Қаз.Сов. Энциклопед. Бас. редак. 1989 ISBN 5-89 800-009-7