Күн санау - халықтың ертеден келе жатқан күн жүйесіндегі есептік қағидасы. Шығыстық ежелгі ғылымдық тәсілге сәйкес қазақ халқы да күн санауды сенбіден бастайды. Күн санау жеті күннен есептеліп оны бір жұма,жеті немесе апта деп атайды. Ұлттық ұғымда әр күннің өзіндік ерекшелігі,қасиеті немесе ғұрыптық қағидасы бар. Сәрсенбе сәтті күн,бұл күн сапарға шығады,игілікті іс бастайды. Сейсенбі сәтсіз күн. Бейсенбі,жұма,инабат,имандылық,қасиетті күн.Бұл күні әр адам таза киініп,әдепті сөйлеп,әруақты еске алады.Өмірден өткендердің әруағына бағыштап дұға оқиды.

Күн санау жүйесінде әр күнге дүйсенбі, сейсенбі т.с.с атаулар берілген. Күндік есеп қағидасында әр күннің қадір-қасиет, жаратылысқа байланысты танымдық тағылымдық болжаулары бар.