Көгілдір сақиналы сегізаяқ

Көгілдір сақиналы сегізаяқ (лат. Hapalochlaena) – сегізаяқтардың ішіндегі ең улысы. Бұл сегізаяқ моллюскілер типіне жатады. Австралия, Индонезия, Филиппин, Жаңа Гвинеяның таяз жылы суларында тіршілік етеді. Тіршілік ету ұзақтығы – жарты немесе бір жыл. Сары түсті денесі және қара, көк түсті сақиналары арқылы оларды оңай ажыратуға болады. Денесінде көгілдір 50-60-қа жуық сақинасы, сегіз аяғы бар. Пішіні 12-20 см-дей. Қармалауыштарының бірін жоғалтса, оның орнына жаңадан қармалауыш өсіп шығады. Көгілдір сақиналы сегізаяқ су маржантастарының арасында жасырынып тұрып, балықтар мен шаяндарды қармалауышымен ұстап алады да, тұмсығымен тістеп, улы сөлін шашады. Жауынан қорғану үшін жолындағы кез келген тасқа барып жабысып, бір секунд ішінде түсін сол тастың түсіндей етіп өзгертіп жібереді. Бездерінен бөлінетін күшті уы жемтігінің тыныс алу мүшесін және денесін жансыздандырады. Күзде салған елуге жуық жұмыртқасы қармалауыштарының астында алты айға жуық дамиды. Бұл уақытта олар қоректенбейді. Ұрпағы өмірге келген кезде аналығы өледі. Көгілдір сақиналы сегізаяқ – денесі шағын болғанымен өте белсенді, сондай-ақ өте улы су жәндіктерінің бірі.

Көгілдір сақиналы сегізаяқ
Hapalochlaena lunulata
Ғылыми топтастыруы
Дүниесі: Жануарлар Жамағаты: Жұмсақденелілер Табы: Басаяқтылар‎ Сабы: Сегізаяқтылар Тұқымдасы: Octopodidae Кіші тұқымдасы: Octopodinae Тегі: Hapalochlaena Robson, 1929
Species
H. fasciata H. lunulata H. maculosa H. nierstraszi (?)