Көкешиелі

Көкешиелі, Көкшегелі – Малайсары жотасының солтүстігіндегі тау. Алматы облысы Көксу ауданында. Іле және Быжы (Қараталдың саласы) өзендері аралығында, Мойынқұм құмының оңтүстігінде оңтүстік-батыстан солтүстік-шығысқа қарай 25–30 км-ге созылып жатыр, ені 8–10 км. Орташа биіктігі 1000 м. Ең биік жері 1189 м. Көкшегелі негізінен пермьдік эффузивті жыныстар аралас туфтан түзілген; ал тілімденген көлбеу солтүстік беткейінің негізі палеогеннің конгломерат шөгінділерімен жабылған. Оңтүстік-шығысы тік. Етегі мен беткейлерінде жусан, бетеге, изен, сай-жыраларында бидайық, қарабас өседі.[1]

ДереккөздерӨңдеу

  1. Қазақ Энциклопедиясы