Көшербай Әлібаев

Әлібаев Көшербай (1941 жылы туған, Маңғыстау облысы) – мұнайшы. Альметьевск қаласындағы (Ресей) мұнайшылар курсын бітірген (1961). 1958 – 68 ж. «Маңғыстаумұнайгазбарлау» тресінің Қызан, Қоңырорпа, Имағамбет мұнай барлау басқармаларында бұрғылау жұмысшысы, бұрғышының көмекшісі, бұрғышы, бұрғылау мастері, 1968 – 76 ж. «Өзенмұнай» мұнай-газ өндіру бірлестігі басқармасында оператор,[1] мұнай өңдеу мастері, 1976 – 79 ж. Солт. Бозащы, Қаражанбас кен орындарында бұрғылау мастері, бұрғылама бастығы, 1979 – 96 ж. «Комсомолмұнай» өндірістік бірлестігінде мұнай мен газ өндіру мастері болды. Еңбек Қызыл Ту, Құрмет ордендерімен, бірнеше медальдармен марапатталған.[2]

Дереккөздер өңдеу

  1. «Қазақ Совет энциклопедиясы» (12 томдық), Алматы, 1972 – 1978;
  2. «Маңғыстау» энциклопедиясына, Компьютерлік-баспа орталығы, 2007