Лейла Ақынжанова

Лейла Ақынжанова (14.4. 1967. Алматы) - сценарийші. Бүкілодақтық Кинематография институтын бітірген (1989).

"Қазақфильм" киностудиясында, "Хабар" агенттігінде сценарийші, 2000 жылы "Gala TV" продюсерлік орталығында арт-директор және "Тілашар" бағдарламасының әрі "Дорогая редакция" сериалының жетекшісі. 4-ші Еуразиялық телефорумда (2001) "Дорогая редакция" сериалы қазылар алқасының арнаулы жүлдесімен марапатталды. Фильмдер тізбегі: "Полнолуние" (1989), "Небольшое отступление" (1991), "И увидел во сне" (1993), "Станция любви" (1993), "Слабое сердце" (1994, Сан-Себастьянде өткен Халықаралық кинофестивальда қазылар алқасының арнаулы жүлдесіне ие болған), "Абай" (1995), "Тот, кто нежнее" (1996), "Фара" (1999, Выборгте өткен Халықaралық кинофестивальда қазылар алқасынын арнаулы жүлдесіне ие болған), "Перекресток" телесериалы (1996-2000 жылдары 448 серия, сценарист, сюжеттік желілер авторы, 1998 жылы ТМД елдерінің телевизиялық фильмдер фестивалінде "Айрықша телевизиялык сериал" номинациясы бойынша "Гран-при"-ді иеленген). Еуразиялық телеакадемияның академигі (2001). Мемлекеттік "Дарын" Жастар сыйлығының иегері.