Лидия Егембердиева

Лидия Егембердиева - 1951 жылы 15 наурызда Талдықораған облысы, Ақсу ауданы, Жансүгіров атындағы ауылдың «Қарашілік» бөлімшесінде туған. 1986 жылы Қазақ мемлекеттік университетінің журналистика факультетін тамамдаған. Еңбек жолын Шымкент облысы, Алғабас аудандық баспаханасынан бастаған. «Қазақ әдебиеті» газетінде, 19961999 жылдары үлт саясатын үйлестіру комитеті мен ҚР Әлеуметтік қорғау министрлігінің жанындағы зейнетақы агенттігінде қызмет еткен. 1999 жылы Талдықорғанға қоныс аударып, онда Алматы облыстық драма театрында труппа меңгерушісі болған. «ҚазАҚ» қоғамының Алматы облысы бойынша уәкілі қызметін атқарды.

Шығармашылығы өңдеу

Қаламгердің әңгімелері «Арман қанатында» атты жас жазушылардың жинағында жарияланған. 1991 жылы «Жолы ауыр жігіт» атты повестер мен әңгімелер жинағы жарық көрген. 1998 жылдан «Әріптестер» комедиясы Алматы облыстық драма театрында, Н.Бекежанов атындағы Қызылорда облыстық саз драма театрында, 2001 жылдан «Рэкеттің махаббаты» атты екі бөлімді психологиялық драмасы С.Сейфуллин атындағы Қарағанды облыстық драма театрында, 2001 жылдан «Қалталы күйеу, қайдасың» атты комедиясы Алматы облыстық Б.Римова атындағы драма театрында, 2004 жылдан «Егіздер» комедиясы Н.Бекежанов атындағы Қызылорда облыстық драма театрында қойылып жүр. 2006 жылы Қырғызстанда өткен Орта Азия театрлар фестиваліне қатысып пьесалары халықаралық сертификатқа ие болды. 2001 жылы Мәдениет министрлігінің Қүрмет грамотасымен марапатталған.[1]

Дереккөздер өңдеу

  1. Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл