Лоялти [1](ағылш. loyalty – адалдық, сенімділік) – клиенттерді көтермелеудің арнаулы бағдарламасы. Тауарларды немесе көрсетілетін қызметтерді өткізуші кәсіпорын (заңғар дүкендер, туристік бюролар, май құюшы стансалар, техникалық қызмет көрсету стансалары, т.б.) тұрақты клиенттерді ұстау және оларды белсенділікке ынталандыру мақсатымен тікелей жүзеге асырады, не сауда таңбасын (тамақ өнімдерін, сусынды, жанар-жағармайды, т.б.) иеленуші кәсіпорын оны нарыққа жылжыту және тұрақты тұтынушылар құрамын жасақтау мақсатымен жүзеге асырады. Сөйтіп, клиенттің сатып алу жүргізілетін орынға немесе белгілі бір тауар таңбасына қатысты “адалдығы” ынталандырылады. Лоялтидің негізінде клиенттің бағдарламаны ұйымдастырушы компанияның тауарларына немесе көрсететін қызметтеріне қаражат жұмсауына қарай оған шегерімді бірте-бірте көбейту қағидаты жатыр.[2]
Дереккөздер
өңдеу
Сілтемелер
өңдеу
