Мальта университеті

Мальта университеті (мальт. L-Università ta' Malta, ағылш. University of Malta) - Мальтада орналасқан жоғарғы оқу орны. Оқу ағылшын тілінде жүргізіледі. Мальта университетіне қабылдау ешбір емтихансыз тек орта білім аттестатына негізделеді. Сонымен қатар шетел азаматтары ағылшын тілі деңгейін куәландыратын сертификат ұсынулары қажет. Ағылшын тілін минималды білу деңгейі TOEFL ibt 61, IELTS 5.5.

Мальта университеті
Ұраны:
лат. Ut Fructificemus Deo
Университет атауы
Шынайы аты	L-Università ta' Malta
Бұрынғы атауы	Collegium Melitense
Жалпы сипаттамасы
Құрылған жылы	1592
Түрі	мемлекеттік
Орналасуы
Орналасқан жері	: Мсида
Мекенжайы	University of Malta Msida, MSD 06 MALTA
Әкімшілік
Негізгі көрсеткіштер
Студенттер	10,193 (2009)
Сайты	http://www.um.edu.mt  (ағыл.)

Сипаттама

Мальта университеті Еуропадағы ең ескі оқу орындарының бірі. Ол 1592 жылы Иезуиттер Орденімен құрылды. Ал 1578 жылы Рим папасынан философия, құқық магистрі және докторын тағайындау құқығын алды. Бүгінде Мальта университеті үлкен абыройға ие және оның дипломы әлем бойынша мойындалады. Университет қабырғасында 70-тен аса елден келген студенттер білім алады. АҚШ, Франция, Ұлыбритания, Италия және тағы басқа елдермен отырған келісім-шарттарға сәйкес аталған ЖОО студенттері мен оқытушыларының басқа университтерге алмасу мүмкіндіктері бар. Университет көптеген университеттік ұйымның мүшесі: Community of Universities of the Mediterranean, the Compostela Group, the Santander network, the Utrecht network. Сонымен қатар, Мальта университеті NAFSA (Association of International Educatores) және CIEE (Council for International Educational Exchange) халықаралық ұйымдарының мүшесі болып саналады.

Жалпы анықтама

• Студенттер саны: шамамен 9 мың.
• Бакалавриат мамандықтары: археология,шетел тілдері (ағылшын, француз, итальян, мальта), аударма теориясы, шығыстану, тарих, халықаралық қатынастар, әлеуметтану, философия, педогогика, қаржы, менеджмент, физика, химия, математика, информатика, инженерлік, құқықтану, компьютер ғылымдары.

• Магистратура мамандықтары: дипломатия, философия, шетел тілдері, аударма теориясы, халықаралық қатынастар, физика, химия, математика, информатика, инженерлік, құқықтану, компьютер ғылымдары, экономика.

• Оқу мерзімі: бакалавриат – 3 жыл, магистратура - 1,5-2 жыл
• Оқу жылының басталуы: қазан, ақпан
• Мекендеу құны : €800 - 1000 айына

Мекендеу

Студенттер университет маңында студенттік пәтерлерде тұра алады. Әр пәтерде бірнеше жатын бөлме, қажетті жабдықтармен жабдықталған ас үй бар. Мекендеу құнында сонымен қатар төсек-орын жабдықтары және апта сайын үй жинастыру қамтылған. Студенттік пәтер топтамасына ресторан, шағынмаркет, кір жуатын үй, теннис корты, бассейн, ойын бөлмелері кіреді.

Атақты түлектер

• Эдвард Фенек Адами — Мальта президенті (2004-2009)
• Джордж Абела — Мальта президенті ( 2009 жылдан бастап)
• Гвидо де Марко — саясаткер
• Лоуренс Гонци — саясаткер
• Эдвард де Боно — психолог және дәрігер
• Ким Чен Ир
• Кармел Ингуанез

Сыртқы сілтемелер

• Ресми сайты  (ағыл.) Үлгі:Ref-mt