Маонань
Маонань (айнань) — Қытайдың оңтүстік-батысында, Гуанси-Чжуан автономиялық ауданының солтүстігінде орналасқан халық. Саны: 72,4 мың адам (1998 ж.).[1]
| айнань | |
| Маонань | |
| Бүкіл халықтың саны | |
|---|---|
|
72 400 | |
| Ең көп таралған аймақтар | |
| Тілдері | |
| Діні | |
Тілі өңдеу
Тілі - маонань тілі, қытай-тибет тілдерінің отбасына жатады. Сонымен қатар қытай тілін де қолданады.[2]
Діні өңдеу
Дінге сенушілер: буддистер, даосистер, католиктер.[3]
Кәсібі өңдеу
Негізгі кәсібі – егіншілік, суармалы (күріш) және егістік (жүгері, арпа, тәтті картоп, бұршақ, мақта, рами), мал шаруашылығы (буйвол, шошқа), құс шаруашылығы (тауық, үйрек), аңшылық және терушілік. Тұрмыстық қолөнер – иіру, мата тоқу және бояу (әйелдер), бамбуктан тоқу, ағаш, тас, металды өңдеу (ерлер).[4]
Өмір салты өңдеу
Отбасылары шағын, неке неолокалдық, бірінші бала туылғанға дейін әйелі көбінесе ата-анасының отбасында тұрған. Егер ұрпақ болмаған жағдайда, күйеуі екінші әйел алуы мүмкін.
Тұрғын үйлері тас, төбесі тақтайша немесе шифермен жабылған. Екі қабатты үйлер бар, жоғарғы қабаты тұрғын үй, төменгі қабаты мал қорасы қызметін атқарады.
Ерлер мен әйелдер киімі – күртеше, қара немесе қою көк түсті үй маталарынан тігілген шалбар. Әйелдер шаштарын сәндеп өреді, орамал тағып, құлақ пен мойынға күміс әшекей бұйымдарын, білезіктерді тағады.
Негізгі тағамдары – күріш, көкөністер, ет, балық және дәмдеуіштер, өсімдік майы.[4]
Дереккөздер өңдеу
- ↑ Маонань (народ) https://dic.academic.ru/dic.nsf/ruwiki/386753
- ↑ Большая Советская энциклопедия Маонань https://my-dict.ru/dic/bolshaya-sovetskaya-enciklopediya/55098-maonan/
- ↑ Толковый словарь русского языка. https://sanstv.ru/dict/%D0%BC%D0%B0%D0%BE%D0%BD%D0%B0%D0%BD%D1%8C
- ↑ a b народы мира / Маонань http://www.etnolog.ru/people.php?id=MAON