Мария Кенжеахметқызы Кенжеахмет

Мария Кенжеахметқызы Кенжеахмет 1947 жылы 20 қазанда Солтүстік Қазақстан облысының Петропавловка ауылында туған. Қазақ.

Мария Кенжеахмет

Мария Кенжеахметқызы Кенжеахмет
Дүниеге келгені:	1947 қазан Солтүстік Қазақстан облысының Петропавловка ауылы
Мансабы:	аға ғылыми қызметкері

Әкесі - Жасыбаев Кенжеахмет, Магнитогорск қаласындағы домна құрылысына қатысқан. Анасы - Жасыбаева Зейніқамал, Магнитогорск қаласындағы домна қурылысына қатысқан. Ш. Уәлиханов атындағы Көкшетау педагогикалық институтының филология факультетін бітірген (1969), орыс тілі мен әдебиетінің мұғалімі.

«Әдебиет және өнер» мұражайының негізін қалаушы, ғылыми концепциясының авторы және экспозицияшысы, бірінші директоры (1989). Рузаев ауданындағы А. Нұрқатовтың, Чкалов ауданындағы Ж. Сыздықовтың, Зеренді ауданындағы М. Ғабдуллин мұражайларының экспозициясын құрумен айналысқан, Щучинск ауданындағы Е. Ысмайылов мұражайының және Айыртау ауданындағы Айғаным үйі экспозицияларының кеңесшісі болған. Көкшетау қаласының Тарих мұражайының негізін қалаушы, ғылыми концепциясының авторы және экспозицияшысы (2004). М. Ғабдуллин мұражайының негізін қалаушы, ғылыми концепциясының авторы және экспозицияшысы (1995). Мәлік Ғабдуллиннің қайта қалпына келтірілген жаңа мұражайы ғылыми концепциясының авторы және экспозицияшысы (2005). «Мәлік Ғабдуллин» атты ақпараттық-суреттік CD құрастырушысы және редакторы (2008). Әуесқой сазгер, 50-ден астам әннің авторы. «Музей әлемі» әдістемелік көмекші құралының (2006), республикалық және облыстық газеттердегі мақалалардың авторы, халықаралық және республикалық ғылыми конференцияларда баяндама жасаған. Қазіргі уақытта «Ғұмыр - өзен» кітабын жазумен айналысуда.

1-ші дәрежелі режиссер (1982), 1-ші дәрежелі диктор (1984), Қазақстандағы Орталық Азия бойынша ЮНЕСКО өкілдігі және Апматыдағы Сорос орталығы берген «Мұражай саясатының маркетингі» сертификатының иегері (2000). Қазақ және орыс тілдөрін біледі.

1969 жылдың тамыз айынан - Көкшетау қаласындағы №9 ОМ аға пионер жетекшісі. 1969 жылдың қазан айынан - Көкшетау қаласындағы №21 ОМ орыс тілі мен әдебиеті пәнінің мұғалімі. 1972 жылдан - Көкшетау облысының Радиохабар және телевизия жөніндегі басқармасының дыбыс режиссері. 1982 жылдан - Көкшетау облысының Радиохабар және телевизия жөніндегі басқармасының режиссері. 1984 жылдан - Көкшетау облыстық радиосының дикторы. 1987 жылдан - Көкшетау қалалық атқару комитетінің мәдениет бөлімінің меңгерушісі. 1989 жылдан - «Әдебиет және өнер» облыстық мұражайының директоры. 1994 жылдан - «Абылай - Кенесары» қорының бас директоры. 1995 жылдан - Мәлік Ғабдуллин мұражайының директоры. 1997 жылдан - Көкшетау мұражай бірлестігінің бас директоры. 1999 жылдан - «Ақмола-Бөбек» балалар қорының атқарушы директоры қызметін қатар атқаруда. 2005 жылдан - Мәлік Ғабдуллин мұражайы директорының ғылыми жұмыс жөніндегі орынбасары, 2007 жылдан бері - аға ғылыми қызметкері.

Көкшетау қаласының әкімі жанындағы ономастикалық комиссияның мүшесі.

ҚР Құрмет грамотасымен марапатталған (2002). Хоббиі - домбырамен сүйемелдеп, халық әндерін орындау. Тұрмыс қүрған. Жұбайы - Бекенов Жаңатай (1940 ж. т.), Мәлік Ғабдуллин мүражайының ғылыми қызметкері. Қыздары - Ләззат (1969 ж. т.), Салтанат (1971 ж. т.), Динара (1985 ж. т.); ұлы - Азамат (1976 ж. т.).