Махабат Рымқұлұлы Түсіпбеков

Махабат Түсіпбеков Рымқұлұлы (5.1.1931 жылы туған, Қарағанды облысы Шет ауданы Ақсу-Аюлы ауылы) – ғалым, техника ғылым докторы (1991), профессоры (1994). Арғын тайпасы Қаракесек руы Сарым бұтағынан шыққан.

Алматы тау-кен институтында оқып, Бауман атындағы Мәскеу жоғарғы техника училищесін бітірді (1955). 1955 – 57 жылдары Новосибирск қаласындағы 92-зауытта инженер-конструктор болып жұмыс істеді. 1957 жылдан Алматы қаласында Халық ш. кеңесінде инженер, “Металлист” зауытында бас инженер, Қазақ жергілікті өнеркәсіп ғылыми-зерттеу институтында директордың ғылыми жұмыстар жөніндегі орынбасары қызметтерін атқарды. 1964 – 96 ж. ҚазҰТУ-да инженер, аға оқытушы, доцент, кафедра меңгерушісі болды. Негізгі ғылыми зерттеулері машина жасау саласындағы автоматтандыру мәселелеріне арналған. Түсіпбеков 2002 ж. 31 томдық қазақша-орысша және орысша-қазақша ғылыми салалық терминология сөздіктер топтамасын даярлауға қатысқаны үшін ҚР Мемлекетік сыйлығын алған.

СілтемелерӨңдеу

  • Выбор вариантов структуры гибкой автоматической линии при проектировании, М., 1988;
  • Selectіon type of machіne sіstem and SAP, Қtalіa (1990);
  • Теория структурно-функционального анализа станочных систем, А., 2005.