Махмет Бүркітбайұлы Айдарханов

Махмет Бүркітбайұлы Айдарханов (12.1.1948 жылы туған, Алматы қаласы) - ғалым, физика-математика ғылымдарының докторы (1992), профессор (1997). 1971 ж. ҚазМУ-ді, 1977 ж. КСРО Ғылым академиясы Есептеу орталығының аспирантурасын (1992 ж. — докторантурасын) бітірген. 1971 жылдан Қазақстан Ғылым академиясы математика және механика институттында қызмет істеді. Қазір ҰҒА Информатика және басқару проблемалары институттының директоры. Негізгі ғылыми жұмыстары образдарды тану және жіктелімін жасау мәселелерін зерттеуге арналған. 80-нен аса ғылыми еңбегі, соның ішінде 4 монографиясы жарияланған. Оның жетекшілігімен 2 ғылым докторы және 5 ғылым кандаты даярланды. Сондай-ақ, математика-ақпараттану саласындағы ғылыми-зерттеу бағдарламаларын ұйымдастырып, бірнеше ғылыми-шығарм. кеңестерге басшылық етеді.