Медеу Сәрсеке

(Медеу Сәрсекеев бетінен бағытталды)

Медеу Сапаұлы Сәрсеке (2 қаңтар 1936 жыл, Қайнар ауылы, Абыралы ауданы, Семей облысы20 наурыз 2024 жыл) — қазақ және кеңес жазушысы, драматург, публицист, қоғам қайраткері. КСРО және Қазақстан жазушылар одағының мүшесі.

Медеу Сәрсеке

80 жылдық мерейтойындағы Медеу Сәрсеке, 2016 жыл
Туған кездегі есімі

Медеу Сапаұлы Сәрсеке

Туған күні

2 қаңтар 1936 (1936-01-02)

Туған жері

Қайнар ауылы, Абыралы ауданы, Семей облысы, Қазақ КСР

Қайтыс болған күні

20 наурыз 2024 (2024-03-20) (88 жас)

Азаматтығы

 КСРО
 Қазақстан

Білімі

Қ.И. Сәтбаев атындағы Қазақ ұлттық техникалық зерттеу университеті

Мансабы

прозаик, драматург, публицист, сценарийші

Шығармашылық жылдары

1955 — 2024

Жанры

проза, драма, эссе

Шығармалардың тілі

қазақша, орысша

Марапаттары

Қазақ ғылыми-фантастикалық әдебиетінің негізін қалаушылардың бірі.

Арғын тайпасы Тарақты руынан шыққан. Қазақ кен-металлургия институтын (қазіргі ҚазҰТУ) бітірген (1958). 1958–1959 жылдары "Жас Алаш" газетінде әдеби қызметкер,бөлім меңгерушісі, 1959–1963 жылдары Семей цемент зауытында мастер, аға диспетчер, өнертапқыштар бюросының бастығы, 1963–1965 жылдары "Егеменді Қазақстан" газетінің Шығыс Қазақстан облысындағы меншікті тілшісі, 1965 жылдан Қазақстан жазушылар одағының Семей облысаралық бөлімшесінде жауапты хатшы. "Ғажайып сәуле" (1959), "Көрінбестің көлеңкесі" (1960), "Жетінші толқын" (1964), "От және атом" (1965) повестері жас жеткіншектерге арналған. Өндіріс адамдары жайлы "Жеті жылдықтың жігіттері" очерктер кітабы (1961), "Қаз қайтқанда" (1968), "Айшықты мезет" (1969) деректі повестері жарияланды. "Сәтбаев", "Ебіней Бөкетов" (2005) атты деректі ғұмырнамаларын (1980, 1989), "Шығыс хикаясы" пьесасын (1971), "Жаңғырық" (1979), "Көмбе" (1985) романдарын жазды. А.Беляевтің "Қос мекенді адам" романын қазақ тіліне аударған. "Құрмет" орденімен (2001), "Еңбектегі ерлігі үшін" медалімен (1970), Қазақстан Жоғары Кеңесінің Құрмет грамотасымен марапатталған.[1]

Дереккөздер өңдеу

  1. Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл. ISBN 9965-26-096-6