Михаил Иванович Горяев
Горяев Михаил Иванович(1.10.1904, Ресей, Пермь облысы, Горнозаводск қаласы – 11.8. 1981, Алматы қаласы) – техника ғылымы докторы (1943), профессор (1945), Қазақстан Ғылым Академиясының академигі (1946). Қазақ КСР-інің еңбек сіңірген ғылыми қайраткері (1946). Пермь мемлекеттік университетін бітірген (1928). 1931–37 ж. Ленинград сүт өнеркәсібі институтында, 1938–1939 жылдары Алматы зоотехникалық-малдәрігерлік институтында (қазіргі Қазақ ұлттық аграрлық университеті) кафедра меңгерушісі, 1939–1941 жылдары КСРО Ғылым Академиясы Қазақ бөлімшесінің Химиялық-технологиялық институтында лаборатория меңгерушісі, директор (1942–1946), 1946–1955 жылдары Қазақстан Ғылым Академиясының вице-президенті. 1946–1981 жылдары Қазақстан Химия ғылымдары институтында лаборатория меңгерушісі болды, табиғи және физиология активті қосылыстар бөлімін басқарды. Негізгі ғылым еңбектері эфир майларын зерттеуге, оларды өнеркәсіптік жолмен өндіру әдістерін жетілдіруге арналған. Маңғыстау мұнайының құрамындағы қатты парафиндерден белок бөліп алып, оны мал азығы ретінде пайдалануды ұсынды. Ауыл шаруашылығында қолдану үшін өсімдік өсуін жеделдететін жаңа заттар алып, оларды өндіріске енгізді. Қазақстанда бірінші болып табиғи қосылыстарды хроматографиялық әдістермен зерттеді. Ленин, Қазан революциясы, Еңбек Қызыл Ту, «Құрмет Белгісі» ордендерімен және медальдармен марапатталған.[1]
Дүниеге келгені: |
1904 ж. қазанның 1 Ресей, Пермь облысы Горнозаводск қ. |
---|---|
Қайтыс болғаны: |
1981 ж. тамыздың 11 (76 жаста) Алматы қ. |
Дереккөздер өңдеу
<references>
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
Бұл мақаланы Уикипедия сапа талаптарына лайықты болуы үшін уикилендіру қажет. |
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
- ↑ Қазақ Энциклопедиясы