Михманнама-И Бұхара

Михманнама-И Бұхара, (“Бұхара мейманының кітабы”) – Фазлаллах ибн Рузбехан әл-Хунджи аш-Ширази әл-Исфаханидің парсы тілінде жазған естелік шығармасы. Бұл еңбекте Мұхаммед Шайбани ханның 1508 – 09 ж. қыста қазақ сұлтандарына қарсы жасаған үшінші жорығының сипаттамасы, өзбек хандығындағы дін мен заң оқымыстылары арасындағы айтыстардың (бұған автордың өзі де қатысқан) жайы баяндалған. Шығармада 16 ғ-дағы Қазақ хандығының әкімш. құрылысы, этн. құрамы жайлы тарихи-этногр. материалдар, қазақтардың тұрмысы, шаруашылығы, діни сенімі, сауда байланыстары, шайбанилермен саяси қатынастары мен Сыр өңіріндегі Аркөк, Өзгент, Сығанақ, Иасы, Сайрам сияқты қ-лардың әскери-саяси, экон. маңызы жайлы құнды мәліметтер берілген. Қазірге дейін жеткен екі қолжазбаның бірі Өзбекстан ҒА Шығыстану институтында, екіншісі Стамбұлдағы Нұри-Османийе мешітінің кітапханасында сақтаулы.

Сілтемелер өңдеу

Дереккөздер өңдеу

Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.