Мұстафа Айтқұлов

Мұстафа Айтқұлов(1902-1965), қайлашы, КСРО-ның құрметті шахтері (1947), Социалистік Еңбек Ері (1948). 12 жасынан байда жалшы болды. 1933 жылдан Қарағандының К. О. Горбачев атындағы №8/9 шахтасында қайлашы, қайлашылар бригадирі, көмір комбайны машинисінің көмекшісі, темірден тіреу кою шебері, кешенді бригаданың бригадирі болды. Жаңа техниканы игеруде, көмір өндіруді молайтуда, шахталарды қалпына келтіріп салуда үздік табыстарға жетті. Қазақстан К(б)П 4-съезінің делегаты. Ленин және Еңбек Қызыл Ту ордендерімен марапатталған.