Мұхит Құлжанұлы Бөпежанов
Мұхит Құлжанұлы Бөпежанов (15.11.1910, Ақтөбе облысы Темір ауданы бұрынғы 8-ауылы – 1999, Алматы) - тау-кен ісі саласындағы қазақ кеңес инженері, Социалистік Еңбек Ері (1961). 1936 жылы Мәскеу Түсті металдар және алтын институтын бітірген соң, Жезқазған руднигінде кезекші инженер (1936-37), шахта бастығы (1937-39), шахта құрылысы мекемесінің бастығы (1939-40), шахта басқармасының бас инженері (1940-45), Байқоңыр көмір шахтасының директоры (1945-48), Жезқазған шахта басқармасы бас инженерінің орынбасары, бас инженері және директоры (1948-61) болды. Қызмет барысында Қаныш Сәтбаевпен жақын қарым-қатынаста болып, Жезқазған кенін қазу туралы тапсырмаларын ыждағаттылықпен орындаған.
1961-63 жылы Оңтүстік Қазақстан халық шаруашылығы кеңесі бастығының бірінші орынбасары, 1963-65 жылы халық шаруашылығы кеңесінің бастығы болып тағайындалды. 1965-73 жылы Қазақ КСР Түсті металлургия министрінің 1-орынбасары қызметін атқарды. 1973 жылы одақтық дәрежедегі дербес зейнеткер ретінде демалысқа шықты. КСРО Мемлекеттік сыйлық лауреаты (1970). Ленин орденімен, медальдармен марапатталған.[1]
Дереккөздер
өңдеу- ↑ Қаныш Сатпаев. Энциклопедия / Бас редактор Б.Ө.Жақып. — Алматы «Қазақ энциклопедиясы», 2011 жыл. ISBN 9965-893-74-8
- Муканов Умирбек, Бупежанов Мухит Кульжанович Мұрағатталған 13 шілденің 2017 жылы.// Город Сатпаев и сатпаевцы. — Жезказган: ОАО «Полиграфия», 2003. — С. 48. — 190 с. — ISBN 9965-614-12-1.
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |