Мұқышева Ардақ Бабиқызы

Мұқышева Ардақ Бабиқызы — (1966 жыл, Шығыс Қазақстан облысы, Зайсан қаласы) — 1997 жылдан бері "Өлке" баспасының өндіріс меңгерушісі, әрі техникалық редакторы. 1988 жылы Қазақ мемлекеттік ұлттық университетінің механика-қолданбалы математика факультетін бітірген. Қазақ КСР Ауылшаруашылығы министрлігіне қарасты республикалық есептеу орталығында, "Жалын" журналында техникалық редактор болды.

А.Мұкышеваның тікелей басшылығымен "Өлке" баспаханасынан шығарылған кітаптардың көркемдігі жыл сайын жақсарып, "Өлке" баспасынан шыққан бірқатар кітаптар жүлделі орындарды жеңіп алып жүр. Оның үстіне "Өлке" баспасына алынған кітап басып шығару және полиграфия әлеміндегі жаңа технологияны баспахана қызметкерлерінің меңгеруіне тікелей басшылық жасайды. Баспа өнімдерін пішіндеу, беттеу, көркемдеу жөнінде қызметкерлерге ақыл-кеңестер, нұсқаулар береді. Баспахананың үзіліссіз жұмыс жасауына қажетті техникалық қосалқы бөлшектермен қағаз, мұкабалық материалдармен, түрлі-түсті бояулармен қамтамасыз етеді. Әлемдік озық әдістерді зерттеп, өндіріске бірте-бірте енгізіп келеді.