Ольга Вячеславовна Довгун

(Ольга Довгун бетінен бағытталған)

Ольга Вячеславовна Довгун 1970 жылы 1 қыркүйекте Шымкент қаласында туған. Орыс. Әкесі - Беляев Вячеслав Апександрович (1939 ж. т.), инженер-мелиоратор. Анасы - Беляева Светлана Евдокимовна, марқұм, инженер болып жұмыс істеген.

М. Әуезов атындағы Оңтүстік Қазақстан мемлекеттік университетінің дене шынықтыру және спорт факультетін бітірген (2004), дене шынықтырудан оқытушы, спорт түрлерінен жаттықтырушы. 1993 жылдан бері - ШҰКД және CP спортшы-нұсқаушысы. Шағын калибрлі винтовкамен жатып атудан әлем чемпионы (2002, 2006); XXVIII Олимпиада ойындарына қатысушы (Афин, 2004) - 4-орын; I Афро-Азия ойындарының жеңімпазы (Хайдарабад, Үндістан, 2003); XIII, XIV және XV Азия ойындарының, Еуропа, Азия, КСРО, Қазақстан чемпионы және жүлдегері; әлем, Еуропа, КСРО, Қазақстан, Түркістан облысының рекордсмені; I, II, III Орта Азия ойындарының 13 мәрте чемпионы; Қазақстан халықтары I спартакиадасының 3 мәрте чемпионы; ҚР СЖФҚ президент кубогының жеңімпазы, XVI Азия ойындарының күміс жүлдегері (2010). Әлем кубогы, «Динамиада», Норвегия, Финляндии, Чехословакия, Германия, Австрия, Қытай, Мексика, Югославия, Куба, Италия, Чехия, Таиланд, Малайзия, Иран, Австралия, АҚІІІ, Үндістан, Грекиядағы халықаралық сайыстар мен турнирлердің жеңімпазы және жүлдегері. ҚР Жылдың үздік спортшысы (2002). Оқпен атудан ҚР Еңбек сіңірген спорт шебері (2002). Халықаралық кластағы спорт шебері. «Құрмет» орденімен марапатталған (2002).

  • Тұрмыс құрған. Жұбайы - Довгун Виталий Семенович (1971 жылы туған), ШҰКД және CP спортшы-нұсқаушысы. Қызы - Надежда (1989 жылы туған); ұлы - Илья (1994 жылы туған).

[1]

ДереккөздерӨңдеу

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2