Оразкүл Асанғазы

Оразкүл Асанғазықызы Асанғазы (1952 жылы 22 ақпанда Жамбыл облысы, Шу ауданы, «Ақтөбе» ұжымшары) — тіл жанашыры,

Әкесі - Омаров Асанғазы, марқұм, шопан болған. Анасы - Омарова Кәден, марқұм, үй шаруасымен айналысқан.

Қазақ мемлекеттік қыздар педагогикалық институтын үздік бітірген (1973), физика пәнінің мұғалімі.

1998 жылы «Керегем саған айтам» атты кітабы жарық көрген.

Мемлекеттік тіл саясаты туралы, оны қолдану туралы, жас ұрпақты тәрбиелеудегі, ұлттық дәстүрді сақтаудағы тілдің рөлі туралы, отбасының, әйелдің қоғамдағы рөлі туралы, жарнама туралы, «Қазақстан Республикасындағы тілдер туралы» ҚР Заңына және «Әкімшілік құқық бұзулар туралы» ҚР Кодексіне өзгертулер енгізу туралы 53 мақаланың авторы.

Қазақ және орыс тілдерін біледі.

Мансап жолы

1973 жылдан бастап - Шымкент облысы Сарыағаш аудандық Жамбыл атындағы орта мектебінде мұғалім.

1979 жылдан бастап - Карл Маркс атындағы орта мектептің директоры (Сарығаш)

1982 жылдан бастап - Қаныш Сәтбаев атындағы №10 мектеп-интернаттың директоры (Сарыағаш).

1985 жылдан бастап - Алғабас аудандық партия комитетінің хатшысы. 1987 жылдан бастап екінші хатшысы.

1988 жылдан бастап - Алғабас аудандық Халық депутаттары кеңесі атқару комитетінің төрайымы.

1990 жылдан - Шымкент облыстық Халық депутаттары кеңесі идеология бөлімінің меңгерушісі; тіл, мәдениет және ұлтаралық қатынастар бөлімінің бастығы.

1992 жылдан - Оңтүстік Қазақстан облысы Сарыағаш ауданының әкімдігінің әкімі.

1993 жылдан - Оңтүстік Қазақстан облыстық әкімшілігі басшысының орынбасары.

1995-1996 жылдары - Шымкент қаласы Әл-Фараби ауданының әкімі.

1997 жылдан - Шымкент қаласы әкімінің орынбасары.

1998жылдан - Астана қаласы «Сарыарқа» ауданы әкімінің орынбасары.

2006 жылдан бері - Астана қалалық Тілдерді дамыту басқармасының бастығы - қалалық ономастикалық комиссия төрағасының орынбасары.

ҚР Жоғарғы Кеңесінің 13-ші шақырылым депутаты (қаңтар-наурыз 1995).

ҚР Президенті жанындағы Әйелдер істері және отбасы-демографиялық саясат жөніндегі ұлттық комиссияның мүшесі (2005-2006), «Томирис» клубының мүшесі (1998 жылдан).

«Құрмет» орденімен (2008); «Еңбектегі ерлігі үшін» (1978), «Қазақстан Республикасының тәуелсіздігіне 10 жыл» (2001) медальдарымен; «ҚазКСР ағарту ісінің үздігі» белгісімен (1983) марапатталған. Астана қаласы әкімінің алғыс хатымен (1999) ескерілген. Оңтүстік Қазақстан облысы Сарыағаш және Бәйдібек аудандарының, Жамбыл облысы Шу ауданының Құрметті азаматы. Мәдениет қайраткері (2010).

2012 жылғы қаңтардан бастап бесінші сайланған Қазақстан Республикасы Парламенті Мәжілісінің депутаты, «Нұр Отан» Халықтық Демократиялық партиясының мүшесі, партиялық тізім бойынша сайланған.

Діни көзқарасы - ислам.

Саяси қайраткер ретіндегі идеалы - Өзбекәлі Жәнібеков.

Қазақстанның болашағы туралы болжамы - «Егер өз еліміздің партиоты болып, туған тілімізді, дәстүріміз бен дінімізді мойындасақ, біз бүкіл әлем мойындайтын елге айналамыз».

Хоббиі - кітап оқу, фитнес.

Сүйіп оқитын әдебиеті - тарихи әдебиет, ұлттық құндылықтар жайлы әдебиет.

Тұрмыс құрған. Жұбайы - Алмантай Жора Тайлыбайұлы (1949 жылы туған), «Асыл түлік» АҚ вице-президенті. Қыздары - Тайлыбаева Жанар Жорақызы (1974 жылы туған), Алмантаева Гүлнәр Жорақызы (1975 жылы туған), Алмантаева Тоғжан Жорақызы (1978 жылы туған), Алмантаева Жібек Жорақызы (1982 жылы туған); ұлы - Апмантаев Нұржан Жораұлы (1977 жылы туған).

Сілтемелер

Мәжілістің құрамы мен құрылымы, АСАНҒАЗЫ Оразкүл Асанғазықызы