Оразғали Тінәліұлы Жұмағұлов

Оразғали Тінәліұлы Жұмағұлов (1911, қазіргі Шығыс Қазақстан облысы Абай ауданы - 11.6.1944) -жауынгер-актер, әнші. Қазақ драма театрының студиясын бітірген (1935). 30-жылдары Риддердің (кейіннен Лениногорск) қорғасын зауытында жұмысшы бола жүріп, осындағы Жұмысшы жастар театрының спектакльдеріне қатысады. 1933 - 41 ж. Қазақ академиялық драма театрында актер болды. Жұмағұлов - Ғ.Мүсіреповтің "Қозы Көрпеш - Баян сұлу" трагедиясындағы Қозы ролінің тұңғыш орындаушысы. Ойнаған рольдері қатарында Жағыпар(С.Сейфуллиннің "Қызыл сұңқарларында"), Серік (Б.Майлин мен Мүсіреповтің "Амангелдісінде"), Вася (Н.Ф. Погодиннің "Менің досымында"), т.б. бар. 2-дүниежүзілік соғыста ерлікпен қаза тапты. Даңқ орденімен марапатталған.