Ордабаев Әубәкір

Ордабаев Әубәкір (19.05.1915, қазіргі Қарағанды облысы, Нұра ауданы -22.12.1990, Шымкент қаласы) - актер, режиссер, Қазақстанның еңбек сіңірген артисі (1958). Мәскеу Театр өнері институтының жанындағы қазақ студиясын бітірген (1938). 1938 - 43 жылдары Қазақ академикалық драма театрының құрамында актер болды. 1943 - 47 жылдары Жамбыл облысында драма театрының көркемдік жағын басқарды. 1947 -53 жылдары Шымкент облысында драма театрында режисер болып, К.М. Симоновтың "Прага түбінде", А.В. Софоновтың "Мәскеу салты", Б.А. Лавреневтің "Америка дауысы", А.Е. Корнейчуктың "Бүргенді тоғайы", ҚМұхамеджановтың "Бөлтірік бөрік астында", Ә.Әбішевтің "Кім менің әкем", Ғ.Мүсіреповтің"Амангелді",С.Адамбековтің "Аюбайдың ажалы", т.б. қойды. 1974 жылдан осы театрда режисер әрі актер болып қызмет етті. Қ.Шанинмен бірлесіп, "Сенім күші" пьесасын (1956) жазды. Киноға түскен.