Павел Григорьевич Антокольский

Павел Григорьевич Антокольский (1896- 1978), орыс ақыны. КСРО Мемлекеттік сыйлығының лауреаты (1946). Әуезовпен достық-жолдастық қарым-қатынаста болған. Бұл әсіресе Қазақстан жазушылар одағында ұйымдастырылған белгілі бір шаралар кезінде (қазақ әдебиеті мен өнерінің Мәскеудегі онкүндігінде, КСРО ғылым академиясының Әлем әдебиеті институтында өткен жиналыстар мен дискуссияларда) айқын сезілетін. 2-Бүкілодақтық жазушылар съезінде Әуезов Антокольскиймен және М. Рыльскиймен бірге «КСРО халықтары әдебиетін аудару мәселелері туралы» баяндама жасады (1954). Антокольский «Тойға шашу» деген мақаласында (К. Симоновпен бірге; «Жұлдыз», 1977, №9) ұлы жазушының ұлттық әдебиеттің көркеюіне қосқанбаға жетпес еңбегін атап көрсеткен.