Панфилов атындағы көше (Алматы)

Көшеге аты аңызға айналған тұлға, генерал-майор, Кеңес Одағының Батыры Иван Васильевич Панфиловтың есімі 1956 жылы берілген. Панфилов Иван Васильевич (1893-1941) Ресейдің Саратов облысындағы Петровск қаласында дүниеге келген. 1941 жылдың шілдесінен өзі құрған 316-шы (қарашадан - 28-ші гвардия) атқыштар дивизиясына қолбасшылық еткен. 1941 жылдың қазан-қарашасында Мәскеу түбінде Волоколам бағытында болған ауыр шайқаста жеке құрама үлкен ерлік танытқан.

Көше Жетісу, Алмалы, Бостандық, Медеу аудандарында орналасқан. Алматы 2 темір жолынан басталып, Қабанбай батыр көшесіндегі Абай атындағы опера және балет театрынан ары қарай жалғаса отырып, әл-Фараби даңғылын қиып өтіп, Қажымұқан көшесіне дейінгі аралықта созылып жатыр. Бұрынғы атаулары: а) Казарменная; ә) Красноармейская көшелері. Көшенін ұзындығы -3800 метр.

Көше бойында «Есік» қонақ үйі, Театр және өнер институты, Төле би көшесімен қиылысқан жерде сквер, Қазақстан-Британ техникалық университеті, «Қазақтелеком» ғимараты, «Дастарқан» жөн «Заңғар» сауда орталықтары, «Аққу» кафесі, «Алмас», «Туризм және экскурсия кеңесі, т.б. орналасқан. Скверде қазақтың батыр қыздары-Шығыстың қос жұлдызы - Мәншүк Мәметова мен Әлия Молдағұловаға ескерткіш орнатылған.[1]

Дереккөздер өңдеу

  1. Алматы көшелері. Анықтамалық энциклопедия. – Алматы: “ИП Волошин” баспасы, 2009. ISBN 978-601-7157-18-0