Параграф
Параграф (гр. παράγραφος — қасына жазылған) — тарау, бөлім ішіндегі мәтіннің кішігірім бөлімі. Параграф мәтінде арнайы параграф белгісімен «§» белгіленеді.
Параграфтар ережелерде, нұсқауларда, жарғыларда, бағдарламаларда, ғылыми кітатарда, оқулықтарда және т.с.с. қолданылады.
Тақырып бойынша шағын бір пікірді талқылауға арналған бірнеше сөйлемдердің жиынтығы. Мәселен тақырып сенбілік туралы болса, оқушылардың да сенбілікке қосатын үлесін жазуға бір параграф арналуы мүмкін. Осылайша, әлеуметтік топ мүшелері жеке-жеке сенбілікке қосатын өз үлестерін жеке параграф ретінде жазса болады. Тақырыпқа немесе берілген тапсырмаға байланысты авторда бірнеше идея, пікірлер болуы мүмкін. Автор осы пікірлерін жеке жазу үшін параграфтар құрастырады. Яғни параграф үлкенірек мәтіннің белгілі бір құрамына айналады және автордың ұстанымын дәлелдеуге бағытталады.[1]
Дереккөздер өңдеу
- ↑ Оспан Е. Эссе және оның түрлері: Оқу құралы/ Е. Оспан.-Алматы: "ОНОН" баспасы,2022-120 б. IZBN 978-601-08-1844-6