Парамо

Парамо, парамос (ис. paramos - дала, құла түз) — ылғалды тропиктік ормандар зонасындағы биік тау ландшафтысы. Андының солтүстік бөлігінде 3000— 3800 м-ден 4500 м биіктікке дейін таралған. Жыл бойы бір қалыпты салқын (ауаның температурасы 10°С-тан жоғары көтеріледі), жыл маусымдары айқын білінбейді, ауа райы тәулік ішінде күрт өзгеріп тұрады. Ксерофитті, астық тұқымдас (селеу, бозшағыл, т.б.) өсімдіктер өседі, жеке дара аласа ағаштар кездеседі. Парамоға ұқсас ландшафт Орталық Америка мен Шығыс Африканың биік таулы өңірлеріне тән.