Басты мәзірді ашу

Паропамиз[1] – Ауғанстанның солтүстік-батысындағы тау жүйесі (солтүстік тау алды – Бадхыз және Қарабел – Түрікменстан аумағында). Ұзындығы 600 км, ені 250 км-дей, орташа биікт. 3000 – 3500 м. Негізінен әктас және тақта тастардан, ал оңтүстігі мен шығысы гранит пен гнейстен түзілген. Банди-Түркістан, Хисар (биіктігі 4565 м-ге дейін), Сафедкох, Сиахкох жоталары Мургаб, Сурхаб, Герируд өзендерінің терең аңғарларымен және шатқалдармен тілімденген. Климаты субтропиктік, құрлықтық; шілде айында жылдық орташа температура 24 – 30ӘС, қаңтарда 0 – 8ӘС. Жылдық жауын-шашын мөлшері 200 – 350 мм. Паропамизде тау шөлі мен тау-далалық ландшафтар, жалпақ жапырақты ормандар тараған. Өзен бойларын бау-бақша, жүзімдіктер, дәнді дақылдар және мақта егістері алып жатыр.

ДереккөздерӨңдеу

  1. Қазақ энциклопедиясы 7 т,