Партия құру және оның мәселелері туралы конституциялық-демократиялық партия бағдарламасы

Партия кұру және онын мәселелері туралы конституциялық-демократиялық партия бағдарламасы - 1905 жылы желтоқсан айында Орал қаласында өткен «Қазақ конституциялық демократиялық партиясының» сьезінде қабылданған құжат. Ол татар тіліндегі «Әл-гаср-ул-жәдид» газетінде татар тілінде жарияланған. Мәтін соңында «Қазақ конституциялық демократиялық партиясының» мүшелері мыналар: С.Қаратаев, Ғ.Бердиев, М.Бақытгереев, И.Тоқбердиев, Х.Досмұхамедұлы, Н.Ипмағамбетов, М.Мұқанов, Ғ.Рақымбердиев, Ізбасаров, Ү.Дүйсембин» делінген. Бағдарлама мынадай бөлімдерден тұрады:

1) азаматтардың негізгі еркіндіктері; 

2) патшалықтың қалпы; 3) халықтың өзін-өзі билеуі; 4) сот; 5) дін; 6) жер; 7) алым-салық; 8) жұмысшылар; 9) мектептер; 10) партия жұмысы. Бұл құжат - мерзімі жағынан Қазақстандағы партиялар тарихындағы ең алғашқы бағдарлама. Соған қарап, оны ұлт-азаттық қозғалыстың алғашқы кезеңіндегі маңызды оқиға деп қабылдауға болады.