Пегова Ольга Федоровна

Пегова Ольга Федоровна – 1952 жылы 5 мамырда Алматы қаласында туған.

Еңбек жолын 1962 жылы ҚазКСР Ғылым академиясының «Ғылым» баспасының терім цехында бастады. Осында терімші, беттеуші, шебер болып істеді.

Мәскеу полиграфиялық институтын инженер-технолог мамандығы бойынша аяқтағаннан кейін жаңадан ұйымдастырылған балалар мен жастар әдебиетінің «Жалын» баспасына келіп, техникалық редакцияның меңгерушісі болып орналасты. Осы қызметте жүріп, ол кітап макетін жетілдіру, осы заманғы дизайн тәсілдерін енгізу, кітап пен альбомның эксперименттік формаларын қолдану ісіне көп күш жұмсады. Шрифт әсерін күшейту, оның суреттерін, кегелін, графикалық элементтерді тиімді қолдануға шығармашылықпен үлес қосты. Соның арқасында «Жалын» дизайнерлерінің көптеген ізденістері республикалық және бүкілодақтың байқауларында жеңімпаз атанды.

О.Ф. Пегова кітаптар мен журналдардың полиграфиялық жағынан безендірілуі бойынша өткен Орта Азия республикаларының халықаралық байқауының жүлдегері және Болгариядағы халықаралық байқаудың иегері, халық шаруашылығы жетістіктері көрмесіне қатысушы. Мәдениет министрлігінің грамотасымен марапатталған.

1994 жылдан полиграфияда: алдымен «Қаржы-Қаражат", одан соң «Фин Эк» және «Т-Print» баспаханаларында бас менеджер болып істейді.