Петр Михайлович Жуковский

Жуковский Петр Михайлович (22. 01. 1888 жылы дүниеге келген, Кишинев) – совет ботанигі, Ленин атындағы Бүкіл одақтық ауыл шаруашылық ғылым академиясының академигі (1935 жылы), КСРО Мемлекет сыйлығының лауреаты . 1940 жылдан КПСС мүшесі.

Қызмет жолы

Новороссийск университетті физика – математика факультетінің жаратылыстану бөлімін бітірді. 1915 жылдан Тбилиси Ботан. бағы тұқым сынау станциясының меңгерушісі, 1920 жылдан директоры. 1923 – 25 жылы Тбилиси Политех. институтында доцент, профессор. 1925 – 34 жылы қазіргі Н. И. Вавилов атындағы Бүкіл одақтық өсімдік өсіру ғылыми – зерттеу институтында бөлім меңгерушісі, 1934 – 52 жылы К. А. Темирязев атындағы Мәскеу ауыл шаруашылық академиясының профессоры, 1951 – 60 жылы Бүкіл одақтық өсімдік өсіру институтының директоры, 1962 жылдан Ленинград мемлекет университетінің профессоры. 1965 жылдан КСРО ҒА «Генетика» журналының бас редакторы, КСРО ҒА Бүкіл одақтық Ботан. қоғамының құрметті мүшесі және Президиум мүшесі. 1925 – 27 жылы Кіші Азия, Сирия, Месопотамияда экспедицияда болып, 10 мыңға жуық мәдени өсімдік жинады; 1956 – 58 жылы Аргентина, Чили, Перу және Мексикада болып, селекция үшін маңызды материалдар әкелді.Жуковский – 8 Халықаралық ботанигі конгресінің құрметті президенті , Герман ауыл шаруашылық ғылым академиясының корр. мүшесі .