Писарева Надежда Федоровна

Писарева Надежда Федоровна (10.5.1927 ж. т., Ресей Федерациясы, Орынбор облысы) — ғалым, биология ғылымдарының кандидаты (1959). ҚазҰУ-ды бітірген (1951). Қазақстан ҒА Ботаника институтының флора және төменгі сатыдағы (споралы) өсімдіктер лаб-нда кіші, аға ғылыми қызметкер болып жұмыс істеді. Писарева Батыс, Солтүстік және Орталық Қазақстанның микрофлорасын анықтауға арналған экспедицияларға қатысты. Соның нәтижесінде, Қазақстанда өсетін саңырауқұлақтардың таралу тәртібіне талдау жасап, микрофлораның республика жерінде қалыптасу тарихын зерттеді. Саңырауқұлақтардың 457 түрі мен 353 формасына ғылыми сипаттама берді. Писарева саңырауқұлақтардың әр түрлі жүйелілік жіктелімін салыстыра отырып, бұрын ғылымға белгісіз болған 18 түрі және 3 формасын анықтады. Писарева — Schwarzmannіa жаңа саңырауқұлақ туысының авторы. Писареваға “Қазақстанның споралы өсімдіктер флорасы” (1956 — 87) атты 13 томдық еңбектің негізгі авторларының бірі ретінде Қазақстан Мемлекеттік сыйлығын берілді (1988). «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, VII том