Поморлықтар

Поморлықтар — батыс славян тайпалары тобының бірі. Одра мен Висла өзендерінің аралығындағы Поморьені (Балтық теңізі маңы) мекендеді. Поморлықтар қоныстанған жерлер ертедегі феодаолық Поляк мемлекетінің құрамына кірді. Поморлықтардың шаруашылық өмірінде қолөнері, сауда, теңізде жүзу, балық аулау зор роль атқарды. Поморлықтардың басты қолөнер және сауда орталығы — Волин мен Щецин 12—14 ғасырдың басында неміс феодалдарына тәуелді болды. Олар Поморлықтарды күштеп ассимиляциялау және қырып-жою саясатын жүргізді. Соған қарамастан, Поморлықтар өздерінің тұрмыс-салтын сақтап қалды.