Сабыр Айтхожин

Сабыр Айтхожин (29 наурыз 1895, бұрынғы Ақмола губерниясы, Көкшетау уезі - 19 ақпан 1938, Шымкент қаласы) — тұңғыш қазақ журналистерінің бірі.

Сабыр Айтхожин
Туған күні	29 наурыз 1895 (1895-03-29)
Туған жері	Қазақстан, Ақмола губерниясы, Көкшетау уезі
Қайтыс болған күні	19 ақпан 1938 (1938-02-19) (42 жас)
Қайтыс болған жері	Шымкент
Азаматтығы	КСРО
Қызметі	журналист

Өмірбаяны

Арғын тайпасы Атығай руынан шыққан.

• 1919 жылы Үфі қаласындағы "Ғалия" медресесін бітірген соң, Көкшетау, Омбы, Орынбор қалаларындағы халыққа білім беру бөлімдерінде нұсқаушысы болып жұмыс істеді;
• 1920 жылы Мәскеуде өткен бүкілресейлік ұлттық съезінің жұмысына қатысты. Омбыда "Кедей сөзі" газетінде редактор;
• 1921-22 жылдары РКП Ақмола уездік комитетінің ұйымдастыру бөлімінің меңгерушісі болды;
• 1922-25 жылдары Петропавлда губкомның "Бостандық туы" газетінің редакция алқасын басқарады;
• 1925 жылғы қаңтарда Орынбор қаласында өткен Кеңестердің 4 Бүкілқырғыздық съезіне делегат болды. 1925 жылдан Алматыда тұрып, өлкелік комитеттің тапсыруымен губкомның "Тілші" ("Жетісу") газетінің жауапты редакторы болып жұмыс істеді. "Қосшы" одағының төрағасы қызметін қоса атқарды. БКП Жетісу губкомының бюро мүшелігіне сайланды, өлкелік 4 партия конференциясының делегаты болды;
• 1927 жылы ҚазАКСР Кеңестері 4 съезінің делегаты, Қаз ОАК мүшелігіне кандидат болып сайланды;
• 1931 жылы Қаз АКСР Халком Кеңесінде жауапты хатшы, одан кейін іс басқарушысы қызметінде болды;
• 1935 жылы – Қаз АКСР-дің 15 жылдығына арналған ҚазОАК мерекелік сессиясының делегаты;
• 1936 жылы Айтхожин Мирзоян қаласында (қазір Тараз қ.) аудандық оқу бөлімінің меңгерушісі болып жүріп, 1937 жылы қазанда тұтқындалды. 1938 жылы 19 ақпанда атылды. 1957 жылы ақталды.