Салық Омаров

Алашорданың батыс бөлімшесінде қызмет еткен қоғам қайраткері Омаров Салық - атақты Сырым Датұлының шөбересі. Атасы Қазы Сырымұлы да,әкесі Омар Қазыұлы да сөз ұстаған шешен, ел билеген адамдар екен. Әкесі Омар Өлеңті болысының бастығы болыпты. Туған жылы белгісіз,

Байбақты руынан шыққан.^[1]

Орал облысы Жымпиты уезі Өлеңті болысы Жетікөл ауылында дүниеге келіпті. Салықтың қанша оқығаны туралы нақты дерек жоқ, алайда оқыған, білімді азамат болғаны анық.
С.Омаров 1917 жылы сәуірде өткен бірінші Орал облысы қазақтарының сиезіне арнайы шақырылып, сол сиезде Жайық сырты қазақтарының облыстық комитетіне мүше болып сайланады. 1917 жылы Жымпиты уездік атқару комитетінің жаңа аумақтық межелу саясатына қарсы шығып, бұрынғы аумақтық болыстық бөлістерді сақтап қалуды жақтаған. Өйткені жаңа аумақтық бөлім қазақ халқының мүддесіне тиімсіз еді. 1917 жылдың басында земстволық сиез шақыруға байланысты құрылған Жымпиты ездік ұйымдастыру комитетіне кіреді. 1918 жылы ақпанда Қаратөбеде өткен ұшінші Орал облыстық қазақ сиезінде Жайық сырты қазақтарының бөлек болыс болу ниетін қолдаған, жаңа болыстықтың құрылуына байланысты елге тұсетін салықты жұмыла көтеруді ұсынған. Жаңа құрылып жатқан Алаш әскеріне 200 ат берген. 1918 жылы мамырда өткен төртінші Орал облысы қазақтарының сиезінде Алаш ұкіметі мен Әскери ұкіметі арасындағы шартты бекітуге мүдделі болып белсенділік танытады. Сол сиезде Ойыл уәлаяты уақытша үкіметіне мүше болады. Жаңа ұкіметтің құрамында жер пайдалану мөселесіне жауапты болды. Батыс Алашорда таратылған соң Орал губерниясының төтшше комиссиясы жағынан ұсталып, конңлагерьге қамалады.
1920 жылы 5 жылға бас бостандығынан айырылады. Ә.Әйтиев пен С. Арғыншиев аратұсіп, ол жазадан құтқарады. Онан кейін елде шаруашылықпен айналысады. 1928 жылы мал мұлкі тәркіленіп, « жартылай феодал», « Алашорда белсендісі» ретінде ұй ішімен Жетісу округіне жер аударылады.
Онда барған соң шаруашылықпен айналысып, елдің құрметіне ие болады. 1937 жылы (1938 жыл деген де дерек бар) Жетісу дан Челябіге он жылға жер аударылады. 1941 жылы сонда қайтыс болады.^[2]

Дереккөздер

↑ http://library.wksu.kz/dmdocuments/%D0%91%D0%B0%D0%B9%D0%B1%D1%83%D0%BB%D1%81%D0%B8%D0%BD%D0%BE%D0%B2%D0%B0%20%D0%90.%D0%A1.%D0%A1%D0%B5%D1%80%D1%82%D0%B0%D0%B5%D0%B2%D0%B0%20%D0%93.%D0%90%D0%BB%D0%B0%D1%88%D0%BE%D1%80%D0%B4%D0%B0%20%D2%9B%D0%B0%D0%B9%D1%80%D0%B0%D1%82%D0%BA%D0%B5%D1%80%D1%96,%20%D0%A1.%D0%94%D0%B0%D1%82%D2%B1%D0%BB%D1%8B%20%D2%B1%D1%80%D0%BF%D0%B0%D2%93%D1%8B%20%D0%A1%D0%B0%D0%BB%D1%8B%D2%9B%20%D0%9E%D0%BC%D0%B0%D1%80%D0%BE%D0%B2.pdf(қолжетпейтін сілтеме)
↑ « Алаш» қозғалысы. Алматы, 2008. ISBN 9965-32-715-7

Бұл — тұлға туралы мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] ttp://library.wksu.kz/dmdocuments/%D0%91%D0%B0%D0%B9%D0%B1%D1%83%D0%BB%D1%81%D0%B8%D0%BD%D0%BE%D0%B2%D0%B0%20%D0%90.%D0%A1.%D0%A1%D0%B5%D1%80%D1%82%D0%B0%D0%B5%D0%B2%D0%B0%20%D0%93.%D0%90%D0%BB%D0%B0%D1%88%D0%BE%D1%80%D0%B4%D0%B0%20%D2%9B%D0%B0%D0%B9%D1%80%D0%B0%D1%82%D0%BA%D0%B5%D1%80%D1%96,%20%D0%A1.%D0%94%D0%B0%D1%82%D2%B1%D0%BB%D1%8B%20%D2%B1%D1%80%D0%BF%D0%B0%D2%93%D1%8B%20%D0%A1%D0%B0%D0%BB%D1%8B%D2%9B%20%D0%9E%D0%BC%D0%B0%D1%80%D0%BE%D0%B2.pdf(қолжетпейтін сілтеме)

[2] « Алаш» қозғалысы. Алматы, 2008. ISBN 9965-32-715-7

[1]

[2]