Сарықұрақ ЖАҚ

Сазанқұрақ-Сазанқұрақ кенорнын жетелі барлаумен, одан көмірсутек шикізатын - мұнайды өндірумен, кенорынды жайластырумен, өнеркәсіптік қуаттылықты арттыру шараларымен, кенорынды жаппай бұрғылай отырып, өндіруге қажетті ғимараттарды тұрғызумен, алынған мұнай сапасын халықаралық стандарттар деңгейіне дейін жеткізумен, өндіру өнімдері мен оларды өткізу көлемін арттырумен айналысатын жабық акционерлік қоғам - бірлескен кәсіпорын. Құрылтайшылары - "First International Oil Corporation" компаниясы және "Атыраумұнайгазгеология" акционерлік қоғамы. "Сазанқұрақ" кәсіпорны 1997 жылдың 29 мамырында берілген №245 лицензияға және 30 қазанында Қазақстан Республикасы Үкіметімен жасалған келісім-шартқа сәйкес, сол жылдың аяғында Сазанқұрақ кенорнын жайластыруға дайындық жұмыстарын бастаса, 1998 жылдың қаңтарынан бастап игерім ұңғымаларын бұрғылау мен кенорынды одан әрі жайластыру шараларын жүзеге асырды. 1999 жылдың наурыз айынан бастап мұнай өндіру жене оны өткізу шаралары жолға қойылды. 1999 жылдың қараша айынан бері кенорын өнеркәсіптік игеруге толығымен енгізілген.