Басты мәзірді ашу
Сергей Николаевич Нелидов

Сергей Николаевич Нелидов

1951 жылы 16 сәуірде УКСР Киев қаласында туған. Орыс.

Әкесі - Нелидов Николай Иванович, полковник. Анасы - Нелидова Зоя Александровна, үй шаруасымен айналысады. С.М. Киров атындағы Қазақ мемлекеттік университетінің биология факультетін бітірген (1973), микробиолог. Биология ғылымдарының кандидаты (1980), докторы (1991). Докторлық диссертациясының тақырыбы: «Күріш өсіру үшін сілтілі топырақ мелиорациясының микробиологиялық аспекттері».

Санкт-Петербург гуманитарлық кәсіподақтар университетінің Алматы филиалының профессоры (2003 жылдан). Петровск ғылым және өнер академиясының (2005 жылдан), Ресей Жаратылыстану ғылымдары академиясының академигі (2007жылдан). ҚР Ауылшаруашылық ғылымдары академиясының мүшесі-корреспонденті (1997 жылдан). «Денсаулық денесофиясы: экологиялық және әлеуметтік-экономикалық аспекттері» (2003), «Тазалық пен пәктік» (2006), «Жыныстық қатынастардың денесофиясы» 2 кітапта (2006, 2007), «Әлем халықтарының неке және отбасының дәстүрлері» (2008) оқу құралдарының; 80 ғылыми және 70 ғылыми-көпшілік мақалалардың авторы. 5 өнертабыс куәлігіне ие.

1973 жылдан - ҚазКСР ҒА Жер құрамын зерттеу институтының аға ғылыми қызметкері. 1989 жылдан - Қаз ҚБҒЗО экологиялық мәселелер бөлімі директорының орынбасары. 1991 жылдан - Алматы қаласы «Жер» концернінің ғылым бойынша вице-президенті. 1998-1999 жылдары - Алматы қаласы «Оннури» коледжінің директоры. 2000 жылдан - Алматы қаласы №34 ОМ ғылым бөлімінің меңгерушісі. 2003 жылдан бері - Санкт-Петербург гуманитарлық кәсіподақтар университетінің Алматы филиалының профессоры. «Денсаулық», «Эскулап», «Медный всадник - Казахстан» журналдарының редакциялық алқасының мүшесі. Ағарту саласындағы «Ильхам» сыйлығының (2005-2007), М.В. Ломоносов атындағы Петровск ғылым және өнер академиясы сыйлығының лауреаты.

Әскери атағы - запастағы капитан.

Діни көзқарасы - атеист.

Саяси қайраткер ретіндегі идеалы - Д.А. Қонаев.

Қазақстанның болашағы туралы болжамы - «Жағымды».

Хоббиі - авторлық ән, поэзия, шахмат.

Сүйіп оқитын әдебиеті - Күміс ғасырдың поэзиясы, тарихи әдебиет.

Үйленген. Жұбайы - Кершанская Ольга Ивановна (1950 жылы туған). Қызы - Нелидова Дарья (1995 жылы туған).[1]

ДереккөздерӨңдеу

  1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2