Серік Нөгербекұлы Нөгербеков

Серік Нөгербекұлы Нөгербеков

1962 жылы 8 қыркүйекте Қарағанды облысы Қарқаралы қаласында туған.

Қарағанды кооператив институтын бітірген (1984), ұйымдастырушы-экономист.

Тарих ғылымдарының кандидаты (2008). Кандидаттық диссертациясының тақырыбы: «Қазақстан Республикасының экономикалық қуатын кеңістікті дамытуды басқару механизмдері». Орал мемлекеттік экономикалық университетінің құрметті профессоры (РФ). Ресей жаратылыстану ғылымдары академиясының академигі. Халықаралық менеджмент академиясының мүшесі-корреспонденті.

48 ғылыми жарияланымның және 3 монографияның авторы.

«Нұр Отан» ХДП мүшесі.

Қазақ, орыс және ағылшын (сөздікпен) тілдерін біледі.

1984 жылдан - Қарқаралы мал дәрігерлік техникумы комсомол комитетінің хатшысы. 1985 жылдан - Кеңес Әскерінің қатарында қызметте. 1986 жылдан - Қазақстан ЛКЖО Қарқаралы аудандық комитетінің екінші хатшысы. 1987 жылдан - «Қарағанды Трансагенттік» АТК Қарқаралы агенттігінің бастығы. 1988 жылдан - Агроөнеркәсіп комитеті кәсіподақ қызметкерлерінің Қарқаралы аудандық комитетінің нұсқаушысы. 1991 жылдан - «Алтын-Емел» АҚ менеджері. 1992 жылдан - Қазақстан республикалық сыртқы экономикалық «Қазөнеркәсіпэкспорт» кәсіпорыны «Көмір-экспорт» фирмасының директоры. 1994 жылдан - Мемлекеттік сыртқы экономикалық «Қазыбек» корпорациясының вице-президенті (Алматы қаласы). 1998жылдан - ҚР-дағы Мемлекетаралық «Мир» телерадиокомпаниясының бөлімшесі директорының орынбасары (Астана қаласы). 2000 жылдың қаңтарынан - «Аймақаралық клиринг палатасы» ААҚ Директорлар кеңесінің төрағасы. 2000 жылдың тамызынан - Қарағанды облысы Қаржы басқармасының бастығы. 2002 жылдан - ҚР Көлік және коммуникация министрлігі Қаржылық реттеу департаментінің директоры. 2005 жылдан - «Еснұр және К» ЖШС Директорлар кеңесінің төрағасы. 2007 жылдан - ҚР Экономика және бюджеттік жоспарлау министрлігі «Экономикалық зерттеулер институты» АҚ президенті.

2009 жылдың маусым айынан бері - ҚР Президенті Әкімшілігі әлеуметтік-экономикалық мониторинг бөлімінің меңгерушісі.

«Еуразия ғалымдарының экономикалық клубы» қауымдастығының Үйлестіру кеңесі төрағасының орынбасары; Халықаралық экономистер одағының вице-президенті (БҰҰ бас кеңес берушісі). «Евразийский экономический обзор», «Экономика. Финансы. Исследования» журналдарының бас редакторы.

«Ерен еңбегі үшін» медалімен марапатталған. Ресейлік «Жыл менеджері-2008» байқауының жеңімпазы.

Үйленген. 2 баласы бар.