Силикотермия

Силикотермия (лат. Silicum – кремний және грек. Termo- жылу) - металл тотықтарын кремниймен тотықсыздандыру арқылы металдар мен қорытпалар алу процесі. Кендегі кейбір метал қалдықтарының тұрақты қысымда (изобаралық) пайда болу потенциалының өзгерісі кремнийдікінен төмен, яғни сыртқы жағдай өзгергенде кремний тотықтары металдардікімен салыстырғанда орнықты келеді (кремнийдің оттек қосып алу қабілеті металдардікінен жоғары). Сондықтан жоғары температурада кремний тотықтары көп мөлшерде түзіледі де, металл тотықсыздандырылады. Силикотермиялық процестер доғалық пештерде жүргізіледі. Силикокотермия көбінесе жоғары сапалы болатттарды қорытуға қажет ферроқорытпалар мен лигатура алу мақсатында қолданылады. Кремний көптеген металдармен силицидтер деп аталатын берік химиялық қосылыстар түзеді де, кальцийдің, магнийдің, цирконийдің, сирек металдардың т.б. рудаларын силикометриялық тәсілмен тотықсыздандыруға мүмкіндік береді. Силикометриялық процесс республикамызда Ермак ферроқорытпа зауытында кеңінен пайдаланылады.