Скайлер Юджин
Скайлер Юджин (26.2. 1840, Итака қаласы Нью-Йорк штаты — 18.7.1890, Египет, Каир қаласы) — АҚШ дипломаты, тарихшы, философ ғылым докторы.
Eugene Schuyler | |
---|---|
![]() | |
Дүниеге келгені: |
1840 ж. ақпанның 26 Ithaca, New York, United States |
Қайтыс болғаны: |
1890 ж. шілденің 16 (50 жаста) Venice, Italy |
Мансабы: | Diplomat, writer, translator |
Ұлты: | American |
Йель университеті (1859) мен Колумбия заң мектебін (1863) бітірген. Ресейде, Түркияда, Англияда, Румынияда және Египетте дипломаттық қызметте болған. 1867 — 69 жылы АҚШ-тың Мәскеудегі консулы, 1870 — 76 жылы Петербургте АҚШ елшілігінің хатшысы болған кездерінде Ресей империясының шығыс аймақтарын зерттеумен айналысты. 1873 ж. Скайлер Юджин “Нью-Йорк Герольд” газетінің тілшісі Я.Мак-Гаханмен бірге Қазақстан мен Орта Азия жеріне сегіз айға созылған саяхат жасады. Осы сапарының нәтижесінде 1876 жылы Лондонда “Түркістан, Орыс Түркістаны, Қоқан, Бұқара және Құлжа саяхатынан жолжазбалар” деген екі томдық кітабы жарық көрді. Бір ғасыр өткен соң бұл еңбек Лондонда қайта басылып шықты. Кітапта 6 ғ-дан 8 ғ-ға дейінгі Орта Азия мен Қазақстанда болған батыс және шығыс саяхатшыларының географиялық, тарихи және этнол. хабарларына шолу жасалған. Қазақ хандығының ұйымдастырылуынан бастап, 19 ғ-дың 60 — 70-жылдарына дейінгі тарихы қамтылған. СКАЙЛЕР ЮджинОрал, Түркістан, Шымкент, Әулиеата, Верный, Қапал, Аягөз, Семей, т.б. қалалар мен қамалдарды аралап, олардың салыну тарихын және тұрғындардың саны мен шұғылданатын кәсібін зерттеген. Ол даладағы сауданың дамуын Қазақстанның жалпы ресейлік экономикаға тартылу процесінің маңызды белгілерінің бірі деп түйіндейді. Скайлер Юджин сондай-ақ “Петр І”, “Америкалық дипломатия мен сауданың дамуы”, “Орта Азиялық мәдениет және біздің міндеттеріміз” деген еңбектердің авторы.[1]
ӘдебиетӨңдеу
Есмағамбетов К., Қазақтар шетел әдебиетінде, А., 1994. С.Хасенұлы
Пайдаланылған cілтемелерӨңдеу
- ↑ Қазақ Энциклопедиясы, 7 том
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
Бұл мақаланы Уикипедия сапа талаптарына лайықты болуы үшін уикилендіру қажет. |