Суықтөбе полиметалл кен орны
Суықтөбе полиметалл кен орны, Орталық Суықтөбе полиметалл кен орны – Жетісу облысы Кербұлақ ауданы Көксу ауылының солтүстік-батысында орналасқан. 1935 жылы ашылған, 1936 жылы барланып, 1956 жылдан Көксу кенішінде кентас өндіріледі.
| Суықтөбе полиметалл кен орны | |
| Ел |  Қазақстан |
| Аймақ | Жетісу облысы |
| Ашылған уақыты | 1935 жыл |
| Өндіре бастады | 1956 жыл |
Геологиялық құрылымы
өңдеуСилур-девон тау жыныстарынан құралған, кварцит-барит, барит желілерімен, диорит, кварц-порфир дайкаларымен қиылған синклиналдық қатпардың солтүстік-батыс қанатында орналасқан.
Жатыс сипаты, құрамы
өңдеуМеридиандық бағытқа созылған, тік құламды бұрыс пішінді кентас денесінің ұзындығы 250-390 м, қалыңдығы 5-55 м. Кентас құрамы сульфидті, қорғасынды. Басты минералдары: пирит, галенит, сфалерит. Пайдалы қоспалары: қорғасын, мырыш, күміс.[1]